ZIGENHAEMUM

ZIGENHAEMUM

vulgo ZIGENHAIN, urbecula permunita, in ditione Hasso-Cassellana, 7. milliar. Germanic: a Caslela in Merid. uti 4. a Fritzlaria, 6. a Fulda in Circium. Hinc Comitatus Zigenhaemius: cuius primus Comes memoratur Fridericus, Ludovici II. Thuringiae et Hassiae Lantgrav. filius, cuius prosapia in Ioanne Comite sublata A. C. 1453. Ludovicus Mitis Hassiae Landgravius emptionis, ut perhibetur. cum Ioanne, multis debitis beneficiisque Landgravio obstricto, contractae titulô occupavit, unde illi cum Hohenloicis hereditatem sibi vindicantibus controversia, Wormatiae tandem ita composita, ut Comitatus penes Cattos maneret, A. C. 1495. Tob. Pfannerus, de praec. Germ. Principum gentibus, c. 8.